22 Am mak dánane kinim seng wok mik madik kal imadá tasidiw iyo finang dádomo, amsino be kunu makuw, kayo Yesus alam weng kidimin kinim ita kuw kunu tem unsidiw, kata Yesus alami ata tam tein unongin banim, kalansiw.
23 Kale kunu madik mak abiw Taibidias kal tad Yesus alam budet Got ken keiyo, aka wanang kinim wansiw kal tadiw kale.
24 Wanang kinim iyo finang dádomo Yesus so alam weng kidimin kinim so iyo banim. Kale yak kunu tadiw im tem tein nadiw Kabeniyam abiw kal Yesus fen unsiw ko.
