ዮሃኒሳ 5:27-36 in Gamo

²⁷ ኢዚ ኣሳ ና ጊዲዳ ጊሽ ፒርዳና ማላ ጎዳቴꬅ ኢዛስ ኢሚዴስ።

²⁸ ሃይሳን ኣይኮካ ማላሌቶፍቴ። ጋሶይካ ቡሮ ካሴ ሃይቂዲ ዱፎን ዲዛይቲ ዉሪ ኢዛ ቃላ ጊሪስ ሲዪዛ ዎዴይ ያና።

²⁹ ሎዖ ኦꬂዳይቲ ሃይቆፔ ዴንዲዲ ፓፃና። ጊዶ ኣቲን ኢታ ኦꬂዳይቲ ሃይቆፔ ዴንዲዲ ፒርዴታና።

³⁰ “ታ ታ ሼኔን ኣይኮካ ኦꬃናስ ዳንዳዪኬ፤ ጊዶ ኣቲን ታ ኣዋፔ ታ ሲዪዳ ማላ ፒርዳይስ። ታና ኪቲዳይሳ ሼኔ ኦꬃይስ ኣቲን ታ ሼኔን ታ ኦꬆንታ ጊሽ ታ ፒርዳን ባላይ ባዋ።

³¹ ታኒ ታ ጊሽ ታርካ ማርካቲኮ ታ ማርካይ ቱሙ ጊዴና።

³² ጊዶ ኣቲን ታ ጊሽ ማርካቲዛዴይ ሃራይ ዴስ። ኢዚካ ታ ጊሽ ማርካቲዛዴ ማርካቴꬃይ ቱሙ ጊዲዳይሳ ታ ኤራይስ።

³³ ኢንቴ ዮሃኒሳኮ ኣሴ ኪቲዴታ ሺን ኢዚካ ቱሙ ማርካቲዴስ።

³⁴ ታ ሃይሳ ጊዛይ ኢንቴ ኣታና ማላ ኣቲን ታስ ሃራ ማርካቴꬅ ኮሺዳ ጊሽ ጊዴና።

³⁵ ዮሃኒሲ ኤፂዲ ፖዒሲዛ ፖዖ ማላ። ኢንቴካ ጉꬃ ዎዴ ኢዛ ፖዖን ኡፋዬታና ኮዪዴታ።

³⁶ ታስ ጊዲኮ ዮሃኒሳ ማርካቴꬃፌ ኣꬊዛ ማርካይ ዴስ። ታ ማርካይካ ታ ኣዋይ ታስ ኢሚዳ ኦሶ። ሄሲካ ታ ኦꬂዛ ኦሶይ ታ ኣዋይ ታና ኪቲዳይሳ ታስ ማርካቴስ።

²⁷ Izi asa naa gidida gish pirdana mala godateth izas immides.

²⁸ Hayssan aykkokka malalettofte. Gaasoyka buro kase hayqqidi duufon dizayti wuri iza qaala giiris siyiza wodey yaana.

²⁹ Lo7o ooththidayti hayqoppe dendidi paxana. Gido attin iita ooththidayti hayqoppe dendidi pirdettana.

³⁰ “Ta ta shenen aykkokka ooththanas dandayikke; gido attin ta aawappe ta siyida mala pirdays. Tana kiittidayssa shene ooththays attin ta shenen ta ooththonta gish ta pirdan balay baawa.

³¹ Tani ta gish tarka markattikko ta markay tumu gidenna.

³² Gido attin ta gish markattizadey haray dees. Izikka ta gish markatizade markatethay tumu gididayssa ta erays.

³³ Inte Yohannisakko ase kiittideta shin izikka tumu markatides.

³⁴ Ta hayssa gizay inte attana mala attin taas hara markateth koshshida gish gidenna.

³⁵ Yohannisi eexidi poo7isiza poo7o mala. Inteka guutha wode iza poo7on ufayettana koyideta.

³⁶ Taas gidikko Yohannisa markatethafe aadhdhiza markay dees. Ta markaykka ta Aaway taas immida ooso. Hessika ta ooththiza oosoy ta Aaway tana kiittidayssa taas markatees.