21 Yesus kokolak nakadaik neu sala, nae, “Dei fo Au laꞌo ela ei, fo uni mamanak feꞌek uu. Dei fo ei masanggak Au, tehuu taa hambu Au. Huu ei taa maena haak mini mamanak ndia miu. Boe ma dei fo ei mate, na, ei bei lemba mahele ei sala mala.”
22 Basa de, hataholi Yahudi la malangga nala latatane aok esa no esa lae, “Ana kokolak hata ia? Ana sangga hala aon do? Huu Ana nae, ‘Ei taa bisa mini mamanak ndia miu.’ ”
23 Boe ma Yesus nafada sala nae, “Ei mima daebafok mai. Tehuu Au uma lalai mai. Ei, fo hataholi maneme daebafok ia mai. Tehuu Au taa uma daebafok ia mai.
24 Huu ndia de isinaak Au afada ae, dei fo mete ma ei mate, na, ei bei lelembak ei sala mala. Huu mete ma ei taa mamahele mae, Au ia, ndia Karistus, fo Lamatuak haituan mai so, dei fo mete ma ei mate, na, neu ko ei bei lelembak ei sala-singgo mala.”
25 Boe ma ala latane lae, “Wei! Tehuu, O ia see?” Yesus nataa nae, “Au afada memak neme makasososan mai so.
