45 Profete yeneac kibiu yoac yofi oho ohoya fede, ‘Anutungo kpouyemmedarec.’ Imocac amma ngicngac sasawa Manggacac yoacfu kedzac faima yearunac negen negeng medae, yeneng nearu hadacgecde.
46 Ngic mongngo Manggac mi henec, kpac. Ngic mocgungo Manggacgoc kefec, yeng Manggac henec.
47 Foracngoc, ngic mongngo ye negensinggede, yeng kekecserigoc anude.
48 Ni neannaoc kekecac yaka.
49 Kisicfocnina yeneng bangec kisiu mannayaka nema homedacgec.
