Yohana 2:2-10

²Yesu hamwenga na wanampina wakwe nawo wagonekagwa mwe inyinka iyo.

³Divai eze isile, nine Yesu amgamba, “Divai iwasila!”

⁴Yesu ahitula, “Mnala, usekunigambila dya kudamanya, chipindi changu hachinati.”

⁵Aho mamiyakwe awagambila wandima, “Damanyani dyodyose nawagambileni.”

⁶Aho na hana mabiga mtandatu yadamanywe kwa mayuwe, chila dimwe nadikaguha madebe mashano vino, mazwela yakutimilwa ni Wayahudi mwe kwelengusa.

⁷Yesu awagamba wandima, “Memezani mazi amabiga yano.” Wayamemeza,

⁸niyo awagamba, “Tekani mazi mmwigaile mkulu ywe ngasu”. Wamwigaila mazi,

⁹mkulu ywe ngasu eze ayalume yahitukila kutenda divai. Havimanyaga mazi yano uko yalaile, kwaviya wandima watekile amazi nawavimanya, ivyo niyo amwitanga umwali,

¹⁰amgamba, “Chila mntu alavya divai yedi nkongo, hadya wagonekwe wakatenda wanywelesa, alavya idya isokele. Mna weye kuika idivai iyedi kubula vino haluse!”