43 Wakan mondher bwa di’di bwaman ’kwani gom a’di mo be.
44 Unin tiya ona bwa ki bu’th a’di mo, hili wathin ṯal ’deŋ kamu/ yisa di’da jin karki me’d ap̱o/ a’di mo be.
45 Dhali iboliish uni doḵkin ka nyaŋ’ko’d mo e igasiis kun can mo dhali ’Kwani P̱arisiyiin mo, uni gun oki uni gwo mo ki: Atinta ’kona um ki guyu/ a’di mo?
46 Dhali iboliish ki thoḵ uni gwo mo ki: Wathiŋ kamu/ yisa di’da jin ṯorki gwo me’d wathi/ yansan mo be.
47 Dhali ’Kwani P̱arisiyiin ki thoḵ uni gwo mo ki: A/ki um si’da/ suskunu idheres mo de?
48 A/kun tiya ’peni ’kwani kun ta gi moshirr walla ’Kwani P̱arisiyiin gamki a’di gwo is mowa?
49 Hili awaambuhany ’kwani gwahan uni molki gwoŋḵan jin c̱inu mo dhali um jeekunu jwa mo be.
