42 Dina Gwo ma Arumgimis jin ’kwarkunu mo ki o gwo mo ka Ḵrisṯẖos midi pi ’peni emen ma Dawuu’d mo? dhali minu piyu/ ’peni Pam Beeṯlaham, a’di jin ta pa jin din ma Dawuu’d nycine/ mo?
43 Wakan mondher bwa di’di bwaman ’kwani gom a’di mo be.
44 Unin tiya ona bwa ki bu’th a’di mo, hili wathin ṯal ’deŋ kamu/ yisa di’da jin karki me’d ap̱o/ a’di mo be.
45 Dhali iboliish uni doḵkin ka nyaŋ’ko’d mo e igasiis kun can mo dhali ’Kwani P̱arisiyiin mo, uni gun oki uni gwo mo ki: Atinta ’kona um ki guyu/ a’di mo?
46 Dhali iboliish ki thoḵ uni gwo mo ki: Wathiŋ kamu/ yisa di’da jin ṯorki gwo me’d wathi/ yansan mo be.
47 Dhali ’Kwani P̱arisiyiin ki thoḵ uni gwo mo ki: A/ki um si’da/ suskunu idheres mo de?
48 A/kun tiya ’peni ’kwani kun ta gi moshirr walla ’Kwani P̱arisiyiin gamki a’di gwo is mowa?
