3 Uni p̱u’dkini a’di mo mmo/o gwo mo ki: Hayy, Maliḵ gi ’Kwani Yahuuda/! Dhali uni ki dor a’di ki me’d buni mo be.
4 Bilaaṯus a’di yaki’d ka pije/ doḵ/e mo dhali o uni gwo mo ki: Hili mo mo ma. Aha/ suskina um a’di ka pije/ mo ki um mini mish ki aha/ dinaki gam toŋ kamu/ e a’di jin miga/ yer a’di is ki gway mo be.
5 Wakan aYesus a’di yaki’d ka pije/ mo mmohi’th toŋ’kup̱ ma ’de/ mo dhali burrinyen duḵ is mo, dhala Bilaaṯus ki o uni gwo mo ki: Wathi/ a’dahan mo be.
