17 Mama ilo ndo ikeno pa naŋa, ŋana tu naŋa apaveta lâ ŋana apile neŋgu via ku amâte, ŋineŋga ma amo viâŋgu kilo.
18 Ambo naŋa ma asâu papa tia, ande tamâta toŋge ma ikura tu ipu naŋa pâta amâte, ande tia ndo. Naŋa warakâŋgu iloŋgu patea tu ma asâu panzi tu sipu naŋa pâta amâte. Naŋa akura tu aveta mine, aku akura tu amandi amo viâŋgu kilo. Naŋa Mama muŋga itu ŋgua kaika pa naŋa tu ma aveta mine.”
19 Kinzi Juda tamâta nde siloŋo Yesu ne ŋgua ŋine lâ, ŋineŋga sipwa pwataki simo ŋgu rua kilo.
20 Kinzi pinde rârâ siporo tu, “Koroani saka ipakâe kuku i, aku iveta ipâŋga kapa lâ. Mine nde ŋana sâ kâ ŋga miki katambira taŋami ŋana i ne ŋgua kâ, a?”
21 Aŋga pinde nde siporo tu, “Ambo koroani saka ipakâe kuku i, ande i ma ikura tu iporo ŋgua kie mine tia ndo. I muŋga iveta tamâta mata leva-leva imora pwataki, aku koroani saka ikura tu iveta mine tia ndo!”
