Yoan 7:20-22 in Mutu

²⁰ Ival tiina tilooŋ saveeŋ toni tonene, ve tisaav pani tighaze: “Wai, sei ighaze irab ghom umaat? Avuvu samia eta avaat izeev ghom. Tauto ŋgar tiom iwaghamgham.”

²¹ Yesu ipamuul aliŋadi ighaze: “You nagham mbeb gharatooŋ ee moghon, ve yam asob ruŋamim iza pani ve agham ŋgar naol.

²² Aghita. Muuŋ, Mose ighur tutuuŋ payam pa ŋgar to zirooŋ ndipain. Eemoghon ye ipamundigin ŋgar tonowen maau. Nditimbumim Abaram, Isak, ve Yakop, tauto tipamundigini. Muri ghoro, Mose isavia ŋgar tonenen tutuuŋa payam. Yam aghaze ataghon tutuuŋ toni tonenen, tauto azir ndinatumim. Eemoghon sawa pida, yam agham uraat tonenen ila umbom patabuaŋ to Maaron. Pa vene, amalaaŋ pa tutuuŋ to Mose. Laak, ighaze yam taumim aghamgham tovene, pughu vena to atemim yabyab payou? You nanim pa ghamuuŋ uraat to ulaaŋ. Tauto nagharaat narape eez tini isob poia ila sawa to umbom patabuaŋ.

²⁰ Eval tiina tilooŋ saveeŋ tooni tane, ve tisaav pani tighe: “Wai, sei ighe irav ghom umaat? Avuvu saghati eta aat izeev ghom, tauta ŋgar tsio ivaghamgham.”

²¹ Yesu iyol aliŋazi ighe: “Yau nagham uraat ŋgereeta eemon geeg tane, ve yam asov arur pani ve agham ŋgar naol.

²² Aghita. Muuŋ, Mose ighur tutuuŋ payam pa ŋgar to ravuuŋ geegeu warozi. Eemon i ipaburigin ŋgar tawe mako. Timbumimŋa Abaram, Isak, ve Yakop, ta tipaburigini. Murei ra, Mose isavia ŋgar tana tutuuŋa payam. Yam aghe ataghon tutuuŋ tooni tana, tauta aravrav natumimŋa warozi. Eemon saawe siriv, yam aat agham uraat tana ila umbom patabuyaaŋ to Maaron. Mako pale amalaaŋ pa tutuuŋ to Mose. Laak, isaav ighe yam taumim aghamgham tauvene, mindai ta atemim yavyav payau? Yau nalam pa ghamuuŋ uraat to uleeŋ. Tauta nagharaat narape ee tiini isov poia ila saawe to umbom patabuyaaŋ.