Yoan 6:5-10 in Mutu

⁵ Yesu mbole izi ve inepneep, ve mata ila le ighita ival tiina tonowen tikeet tiŋarua tila. Tovenen ighason Pilip ighaze: “Pale taghol aniiŋ sine, ve tapan ival tiina tonene?”

⁶ Saveeŋ tonene, ye isavia pa itoov Pilip. Eemoghon ye tau iwatag sa ŋgar to ye ighaze ighami.

⁷ Pilip ipamuul aliŋa ighaze: “Wai, ival ne ris? Ighaze taghol adi aniiŋ rita pa titatan atedi pani, nene yaam denari 200 iraua paam maau.”

⁸ Ghoro taghoniiŋa toni ite, iza Andreas (ye Simon Petrus tazi) isaav pa Yesu ighaze:

⁹ “Ai, ughita pain tonene. Ye a mberet bali liim, ve iigh geegeu ru. Eemoghon tamtoghon tonene, ival le ival kat. Aniiŋ ŋgiira tovene pale irau di vena?”

¹⁰ Ndug to tineep pani, le kikiliiŋ popoia. Tovenen Yesu isaav pa taghoniiŋa toni ighaze: “Ala asaav pa ival tiina tonowen mboledi izi.” Ival tiina mboledi izi, ghoro Yesu igham mberet tonowen, ipait Maaron pani, ve ireii padi. Ghoro igham ŋgar raraate moghon pa iigh. Tovenen ival tiina tighan le isooŋ di. Ival tiina tonenen, nditamoot todi moghon irau ndiŋndiŋ liim (5000) ma venen.

⁵ Yesu mboole izi gha ilepleep, ve maata ila le ighita eval tiina tikeet ŋaruini tilam. Tauvene ighason Pilip ighe: “Pale taghol aniiŋ sindei ve tapan eval tiina tane?”

⁶ Saveeŋ tane, i isavia imin tovaaŋ Pilip. Eemon i tauu iwatagh saa ŋgar tau i ighe ighamu.

⁷ Pilip iyol aliiŋa ighe: “Wai, ene eval tiina kat! Isaav ighe taghol lezi aniiŋ ŋgiira rigta to titatan atezi pani pa maet denari ndiŋndiŋ ru (200) pale irau?”

⁸ Ra mbiwa tooni ite, Andreas, i Simon Petrus taazi, isaav pa Yesu ighe:

⁹ “Tiina, ŋeer marani tane, i le mberet bali liim, ve iigh geegeu ru. Eemon tamtamon tane eval kat. Aniiŋ ŋgiira tauvene pale irau zi mindai?”

¹⁰ Nugh tau tileep pani na, le kikiliiŋ popoia. Tauvene Yesu isaav pa mbiwa tooni ighe: “Ala asaav pa eval tiina tawe mbolezi izi.” Tauvene yes eval tiina tana mbolezi izi, ra Yesu igham mberet tawe gha ipait Maaron pani, ve ireii pazi. Mako igham ŋgar raraate mon pa iigh. Tauvene eval tiina tana tighan le isooŋ zi. Eval tawe, yes zitamoot mon irau ndiŋndiŋ ndiŋndiŋ liim (5,000).