2 Kɛ́ nyóó dɑɑtɛ kɛ́keè kutoweku mɑkù kɛ̀ kù cutiní kɛĩ́nkɛ̀ kɛ donnɛ̀ kuyɑɑkperíkù, kɛ́ bɛ̀ kpɛ̀ɛ́tɛ́ bɛmɔu bɛ̀ kɑ̀ri tɛ̀ɛ̀ cĩ́ɛ̃̀tɛ̀ miɛkɛ.
3 Kɛ̀ bɛ̀ɛ yɑ̀ ihɑ̃ɑ̃dɛɛm̀bìi kɛ̀ ì dònnɛ̀ inɔ́ndiɛ nkɛ́ńtotírí kɛ commu bɛ ĩ́nkɛ̀.
4 Kɛ̀ Muyɑɑ́nsɑ̀ɑ̀mùu bɛ̀ píɛ, kɛ̀ bɛ̀ɛ ketɛ́ kɛ́nnɑ́ɑ́ ntinɑ́ɑǹcɑ̀ǹtì.
5 Dɛ̀ do sɔ̃́ nSifubɛ bɛɛ̀ ìtɛ́ní titentì timɔu kɛ kɔ̀tɛní kɛ bo Sedisɑdɛmmu. Bɛ̀ do tú bɛ̀ɛ̀ dé bɛ̀mbɛ Kuyie.
6 Bɛ̀ kèè dìì mɔ̀nnì kutoweku kɛ tíínní, kɛ̀ dɛ̀ɛ bɛ̀ di mɛdiɛ̀ nkɛ yɛ̃́ bɑ́ wè ò do yomɛ̀ kɛ̀ bɛ̀ nɑ̀ɑ́ nho kó tinɑ́ɑǹtì mɔ́mmɔnti.
7 Kɛ̀ dɛ̀ɛ bɛ̀ kpeí mɛdiɛ̀, kɛ̀ bɛ̀ mbɛ̀ wùó nkɛ tú: Dɛ̀ í dò nKɑdidee kɔbɛ mbɛ bɛmɔuɑ̀?
