27 Dɛ̀ í dò ndɛ̀ yóó cɑɑ̀rɛ̀ ti kó mutɔ̃mmú mɑ́ɑ̀, dɛ̀ bo cɑkɛ nɛ̀ ti kó dibɔɔ̀ diɛrì Diɑnni Aditemiisi kòo yètìrìi kɛ̃kɛ, Asii kɔbɛ nɛ̀ kutenkù kumɔu kɔbɛ tũ ndì bo nɑɑ́ dɛtetìrɛ̀.
28 Kòo kɔbɛɛ ti kèè kɛ̀ bɛ miɛkɛɛ pɛikɛ kɛ̀ bɛ̀ nwékíí kɛ tú: Efɛɛsi kó dibɔɔ̀ Diɑnni dɛumu!
29 Kɛ̀ kutowekuu dɑ́tínnɛ́ dihɛì dimɔu kɛ̀ bɛ̀ɛ pĩ́ Kɑyuusi nɛ̀ Adisitɑki Mɑseduɔnni kɔbɛ bɛ̀ɛ̀ cíenní Pɔɔri, kɛ́kɔtɛnɛ̀ bɛ̀ ɔ̃ɔ̃ tíí ndɛ̀.
30 Kɛ̀ Pɔɔri dɔ̀ ò bo kɔtɛ, kɛ̀ Yesu kɔbɛɛ yetɛ.
31 Kòo nɛ́pobɛ̀ Asii kó bɛnitidiɛbɛ̀ mɑbɛ̀ɛ tɔ̃nní òmɔù kɛ dɔ̀ ò bɑ́ɑ́ kɔtoo.
32 Kɛ̀ bɛnìtìbɛ̀ɛ sɔ̃́ntɛ́ kɛ́nwékíí bɛ bíɛ́kɛ̀ bɛ bíɛ́kɛ̀, bɛsṹkùbɛ̀ ketɛ́ kɛ í yɛ̃́ bɛ̀ tìí mmùù kpɛ́í.
