34 Kɛ̀ kùu yú Pɔɔri nɛ̀ Sidɑɑsi kɛ́konnɛ̀ kɛ́ bɛ̀ duɔ́ mmudiì, kɛ̀ diwɛ̀ì nkù bo nɛ̀ ku cĩ́ɛ̃̀tɛ̀ kɔbɛ bɛ̀ cɔutɛ́mɛ̀ Kuyie.
35 Kɛ̀ dɛ̀ɛ wentɛ́ kɛ̀ bɛbeémbɛ̀ɛ tɔ̃ mpòdíìsìbɛ̀, kɛ̀ bɛ̀ɛ kù nɑ̀kɛ́ kɛ dɔ̀ kùu bɛ̀ fĩ́ĩ.
36 Kɛ̀ kuhɑ̃ɑ̃pɔ̀nkùu nɑ́kɛ́ Pɔɔri kɛ dɔ̀: Bɛbeémbɛ̀ tɔ̃nní kɛ tú n di fĩ́ĩ, di mmɔ̀nnì yɛ̀nnɛ̀ kɛ́pɛ̃ɛ̃tɛ́ kɛ bɑ́ nyĩɛ̃̀kù.
37 Kɛ̀ Pɔɔrii nɑ́kɛ́ pòdíìsìbɛ̀ kɛ dɔ̀: Tínti Odommu kɔbɛ bɛ̀ ti puotí bɛnìtìbɛ̀ ììkɛ̀ bɑ́ bɛ̀ í ti bekɛ́nɛ̀ kɛ nɛ́ dɔ́ kɛ ti fĩ́ĩ ndisɔrɑ̀ɑ̀? Ti bɑ́ɑ́ yie. Bɛ̀ɛ kɔtɛní bɛ mɔ́mmɔmbɛ kɛ́ ti dennɛ.
38 Kɛ̀ pòdíìsìbɛ̀ɛ kɔtɛ kɛ́nɑ́kɛ́ bɛbeémbɛ̀ Pɔɔri nɛ̀ o kɔbɛ bɛ̀ tumɛ̀ Odommu kɔbɛ kɛ̀ kufɔ̃wɑɑ́ mbɛ̀ pĩ.
