30 kɛ́ bɛ̀ dènnɛní kɛ́ bɛ̀ bekɛ kɛ dɔ̀: Bɛkótíbɛ̀, n dò nkɛ́yĩ́mɛ̀ kɛ̀ Kuyie nni ndɛɛtɛ́?
31 Kɛ̀ bɛ̀ɛ kù tɛ̃̀ńnɛ́ kɛ dɔ̀: N tɑ̃́ ti Yiɛ̀ nYesu ɑ bo cootɛ́ fɔ̃́ nnɛ̀ ɑ cĩ́ɛ̃̀tɛ̀ kɔbɛ.
32 Kɛ̀ bɛ̀ɛ kù nɑ̀kɛ́ Kuyie nnɑ́ɑǹtì nɛ̀ bɛ̀ɛ̀ kó dimɑ̀ɑ̀ bo ku cĩ́ɛ̃̀tɛ̀.
33 Kɛ̀ kùu bɛ̀ tùótɛ́ kɛ ɔ́ú bɛ muɔ, nkɛ̀ bɛ̀ pɑ̃̀nkɛɛ kù ɑ̃nnɛ́ bɑ̀tɛ́mmù dɛ kó kɛyènkɛ̀ nɛ̀ ku cĩ́ɛ̃̀tɛ̀ kɔbɛ.
34 Kɛ̀ kùu yú Pɔɔri nɛ̀ Sidɑɑsi kɛ́konnɛ̀ kɛ́ bɛ̀ duɔ́ mmudiì, kɛ̀ diwɛ̀ì nkù bo nɛ̀ ku cĩ́ɛ̃̀tɛ̀ kɔbɛ bɛ̀ cɔutɛ́mɛ̀ Kuyie.
35 Kɛ̀ dɛ̀ɛ wentɛ́ kɛ̀ bɛbeémbɛ̀ɛ tɔ̃ mpòdíìsìbɛ̀, kɛ̀ bɛ̀ɛ kù nɑ̀kɛ́ kɛ dɔ̀ kùu bɛ̀ fĩ́ĩ.
