8 Nanara, bɔxɔn yi xuruxurun, a yimaxa, geyane bunne yi siga, e xɛtɛ, e xuruxurun Ala xɔlɔn bun.
9 A liga alo tutin nan minima a ɲɔɛ yinla ra. Halagi ti tɛɛ dɛgɛn nun tɛɛ wolonne yi mini a dɛ.
10 A yi kuyeni bɔ firinna ra, a godo a sanne tixi kunda fɔrɛn fari.
11 A te maleka gubugubu kanna fari, a tugan xulɛn, a siga foyeni.
12 A a luxun dimini, kunda fɔrɛn nun tule igen yi a rabilin kore.
13 Kundaan yi mini a nɔrɔni. Balabalan kɛsɛne nun galanna yi godo.
14 Alatala yi a galanna xuiin namini keli kore, Kore Xɔnna Ala yi a xuiin namini.
15 A yi a xalimakunle woli a yaxune ma a e raxuya ayi. A e birin nagi kuye sarinna ra.
16 Alatala to falan ti e xili ma, a sɔnxɔ e ma xɔlɔni, fɔxɔ igen xɔnna yi mini kɛnɛnni bɔxɔ xɔnne yi to.
