3 A naxa, “N mi soma n konni, n mi n sama n ma saden ma,
4 n mi tinɲɛ n yi kinsan hanma n yi xi,
5 han n yiren fen Alatala xa, Yaxubaa Ala Sɛnbɛmaan luma dɛnaxan yi.”
6 Nxu bata a fe mɛ Efarata yi, nxu bata a to Yaari taan nabilinni.
7 E naxa, “En siga Alaa banxini, en yi en xinbi sin a san bun.”
8 Alatala, keli, i fa i dɔxɔdeni, i tan nun i ya kankirana, i sɛnbɛn naxan yi.
9 Ala xa i ya saraxaraline findi tinxin muxune ra, i ya tɔgɔndiya muxune yi sɔnxɔ sɛwani.
10 I nama i ya manga sugandixin nabeɲin, i ya walikɛɛn Dawuda fe ra.
11 Alatala bata a kɔlɔ Dawuda xa, a mi a kalɛ mumɛ! A naxa, “N ni i ya dii xɛmɛna nde nan sugandima, a ti i funfuni mangan na.
12 Xa i ya dii xɛmɛne n ma layirin suxu, e nun n ma maxadi xuine, n na e xaranma naxanye ma, e diine fan dɔxɔma nɛn i ya mangaya gbɛdɛni han habadan.”
13 Alatala bata Siyon sugandi a dɔxɔden na.
14 A bata a fala, a naxa, “N luma be nin habadan. N waxi mangayaan liga feni be nin.
15 N baraka gbeen sama nɛn Siyon ma baloni, n donseen so a tɔrɔ muxune birin yii.
16 N kisin fima nɛn a saraxaraline birin ma, a tɔgɔndiya muxune yi sɔnxɔ sɛwani.
