Yabekbi 13:38-43

³⁸Uŋun do aŋek not kabɨ gen uŋun yaŋ teŋteŋomaŋ uŋun pakyaŋsi nandani. Uŋun amɨn da nin dakon yokwi wɨrɨrɨt amɨnin egɨsak. Moses dakon gen teban guramɨgek ji amɨn kɨlegɨ arɨpmɨ dɨma ani. Yokwisi sigɨn taŋ damni. Mani uŋun amɨn da amɨn morap iyɨ do nandaŋ gadaŋ ɨmaŋ amɨn uŋun yokwini wɨrɨrɨk yomɨŋek amɨn kɨlegɨsi yaŋ yoyɨsak.

⁴⁰Ji kaŋ kɨmotni! Dɨma kaŋ, kalɨp kombɨ amɨn da gen yawit uŋun jikon altosak. Gen uŋun yaŋ yawit:

⁴¹‘Manji gen yogok amɨn ji yo abeŋ uŋun kaŋek but morap aŋek wagɨl tasɨk toni. Ji da bɨsapmon yo ŋwakŋwarɨ kɨnda akdɨsat. Amɨn kɨnda da yo uŋun akdɨsat uŋun do dayɨsak kaŋ, ji arɨpmɨ dɨma nandaŋ gadakdaŋ.’ ”

⁴²Pol da gen uŋun yoyɨŋ mudaŋban Banabas gat yomakon pɨgakwal amɨn da yaŋ yoyɨwit, “Jil awɨki Sabat bɨsapmon aesil obɨŋek gen uŋun sigɨn niyɨnjil.”

⁴³Yaŋ yoyɨŋba amɨn kɨsi muwut muwut yut yɨpmaŋek yomakon pɨgɨwit. Pɨgakwa Juda amɨn morapmɨ gat ae Amɨn Ŋwakŋwarɨ Kabɨkon nani morapmɨ Juda amɨnon saŋbeŋek Piŋkop but dasi gawak ɨmgwit amɨn gat kɨsi Pol gat Banabas gat yolgwit. Yolakwa amɨn bamot da Piŋkop dakon nandaŋ yawotni do nandaŋek tebaisi agek egɨ aŋaŋ kɨni do yoyɨŋ paŋteban agɨmal.