13 Gbɛ̃ zaaa lɛ́ zaaa è à kũ, mↄde gbɛ̃ maaa è bↄ yãketen.
14 Lɛ́ maaa è ń ká pↄ́ maaaa, zĩi kɛ̀ gbɛ̃ kɛ̀ àre è gɛ̃ a ↄzĩ.
15 Yↄ̃nkↄↄ yãkɛna è kɛnɛ maa, ↄ̃ndↄ̃dee sↄ̃ è lɛ́damma ma.
16 Yↄ̃nkↄↄ è tó wà à pↄfɛ̃ dↄ̃ gↄ̃ↄ, làakaridee sↄ̃ è sↄ̃sↄ̃ daro.
17 Yãpura'ori è yãzɛdee o, sèeda'ɛgɛde yã ègↄ̃ mↄnafiki vĩmɛ.
18 Laasuusaiyã è ń swɛ̃̀ zↄ̃ lán fɛ̃ɛdaa bà, ↄ̃ndↄ̃dee lɛ́gbɛ è mↄ aafiao.
19 Yãpuraa kɛ̀ wà ò ègↄ̃ gìkɛna, ɛgɛɛ sↄ̃ è gɛ̃ zɛ́la lán wɛ́ɛ'ibakɛna bà.
20 Mↄnafiki kú zaalɛkpakↄ̃sↄ̃rinↄ swɛ̃̀n, gbɛ̃'aafiawɛtɛrinↄ bé aↄ̃ↄ pↄnnaa vĩ.
21 Zaa ke è gbɛ̃ maaa lero, gbɛ̃ zaaanↄ sↄ̃, yã è dańla.
22 Dii tɛ̃̀n ɛgɛdee ũ, à pↄↄ ègↄ̃ nna yãpuradeea.
23 Làakaridee ègↄ̃ a dↄ̃na kũna a swɛ̃̀n, yↄ̃nkↄↄ è yã faasai kpàakpa kɛ.
24 Zĩkɛna ↄplaplaa è tó gbɛ̃ kí ble, mɛa è gbɛ̃ da zↄ̀bleen.
25 Kuuna bídi guu è gbɛ̃ sↄ̃ɛ, yãnna'onnɛna è ń pↄↄ kɛ nna.
