Yáasiↄ 7:2-17 -

²Ǹyↄ̃ ma yãdilɛaↄ kũa, níↄ aafia, laaidↄ ma yãdanɛwa lán n wɛ́wa.

³Da n ↄnɛwa tãana ũ, kɛ̃ n sↄ̃wa lá wì kɛ̃ lákɛ̃bↄwawa.

⁴O ↄ̃nↄɛ, n dãen aà ũ, wɛzɛ̃ sísi n daɛ ũ.

⁵A n dↄ̃́a dↄ́ɛ'ĩide yã́ musu, a n bↄ nↄ pãle yã́ nana oanɛu.

⁶Má zɛa ma kpɛ́ fɛnɛntiu, málɛ bàasi gwa.

⁷Ɔ̃ ma gↄ̃gbãanaeↄ è, ↄ̃nↄ i panɛ́o, ɛ̀waasoe kú ń guu, a làasoo vĩo.

⁸Àlɛ liaaliaa gãaɛ, àlɛ waaloũkɛkɛ nↄɛezi, àlɛ aà bɛ gãaɛ baa vĩvĩ

⁹za oosiɛlɛ gukãaaa e gwã́, e gu gɛ̀ siakũ̀ maamaa.

¹⁰Ɔ̃ nↄɛpi bↄ̀ mↄ̀ dàaàlɛ ń kↄ̃nio, à ↄmà azĩawa lán káaluawa.

¹¹A lɛ́ vĩ mɛ́ zĩapↄeãkɛnaɛ, aà pↄ̀ↄ lí pɛ́ bɛo.

¹²Zĩeↄ ìↄ ku zɛau, zĩeↄ gãaɛ, ìↄ zɛ́kpaa yeyewa.

¹³Ɔ̃ à ɛ̀waasopi kũ̀ à lɛpɛ̀wà, à aà gwà ń wɛgaalimao à mɛ̀:

¹⁴Sáaukpasa'oa kua yãa, ↄ̃ ma lɛ́ pↄ́ má kɛ̀pi fĩabò gbã.

¹⁵N kↄ̃'ea yã́i ma bↄi, málɛ n wɛɛlɛ, ma n e kɛ sↄ̃.

¹⁶Ma kũ̀ntu kpà ma liia ń Egipi bùsu zwã̀a wɛ́ kɛfɛnao.

¹⁷Ma tulale fã̀ɛ ma wúlɛkĩia, wa kɛ̀ ń lí'ↄ gĩnanaↄ ń litɛɛↄ.