11 Ma ↄ̃nↄ zɛ́ ↄ̀lↄnɛ, ma n da yãmaa zɛ́wa.
12 Tó ńlɛ táa'ou, pↄe a kpanɛo, tó ńlɛ bàalɛu, ńyↄ̃ gɛ̃nalɛo.
13 Ǹyↄ̃ ma lɛdama kũa, ńsu gbaɛo, didiwà gbãa, asa ↄ̃mɛ n wɛ̃ni ũ.
14 Ńsu vãikɛnaↄ zɛ́ sɛo, ńsu tɛ gbɛ̃vãiↄ zɛ́io.
15 Ɛ̃nɛ́, ńsu namáo, kɛ̃́má, ǹ n gɛa kɛ.
16 Tó aai vãi e kɛ̀o, aali i'oo, tó aai gbɛ̃́ e kàaũo, i lí gɛ̃ ń wɛ́uo.
17 Asa vãikɛa mɛ́ ń pↄblea ũ, gbɛ̃́ↄ wɛtãa mɛ́ ń imia ũ.
18 Gbɛ̃maaↄ zɛ́ dɛ lán gudↄlɛiawa, a gupua ìↄ dɛdɛ lán ĩatɛ̃ dɛdɛawa.
19 Vãikɛnaↄ zɛ́ dɛ lán gusia níiniiwa, aali pↄ́ pↄ́ tò wàlɛ gɛ̃nalɛ dↄ̃o.
20 Ma nɛ́, laaidↄ yã́piↄwa, swã́sɛ ma yã'onɛi.
