11 Ti Yiɛ̀ nKuyie nyóó duɔ́mmu dinùù ku tɔ̃rɛ̀, kɛ̀ yɛ̀ ndɑ bɑɑ bɑ́ kɑ̀ɑ kɔ̀ri kɛ̀,
12 kɛ́ ndɑ ceúnɛ̀ ku nɔu, bɑ́ ɑ nɑɑ̀cɛ̀tɛ̀ bɑ́ɑ́ bétɛ́ ditɑ̃́rì mɑrì.
13 A bo nnɑùtì yɛcìrícìrɛ̀ nɛ̀ yɛdɑutɛ, kɛ́ncentì yɛkpɑmɑɑ̀ nnɛ̀ iwɑ̀ɑ̀kɛ ĩ́nkɛ̀.
14 Kɛ̀ Kuyie mbɛ́i nkɛ dɔ̀: A mɛ nni cɑ́ɑ́tímɛ̀ n yóó dɑ dɛɛtɛ́mu, ɑ mɛ nni mbɑ̀ńtɛ́mɛ̀ n yó ndɑ kɑ̃nkɛ́mu.
15 Kɑ̀ɑ níí n yú kɛ̀ n yie, m bo ndɑ bonɛ̀ mɛyɛǹcɑɑ̀rìmɛ̀ miɛkɛ, m bo dɑ dɛɛtɛ́ kɛ́ dɑ dɛ́úkùnnɛ.
16 M bo duɔ́ nkɑ̀ɑ mbo kɛ́mɔntɛ, kɛ̀ dɛ̀ ndɑ nɑɑti, kɛ̀ n dɑ bɛnkɛ míì tumɛ̀ ɑ dɛɛtíwè.
