13 Kubɑkù cɑ̃̀nku kó kutempɛ̃ nɛ̀ kubɑkù yoú kɔku fɔ̃́ɔ̃̀ dɛ̀ dɔ̀ɔ̀. Bɛ̀ɛ̀ bo Tɑbɔɔ tɑ̃rì nɛ̀ bɛ̀ɛ̀ bo Ɛdimɔɔ kpɛri bɛ̀ dɛ̀úkùnko fɔ̃́ɔ̃̀ yètìrì.
14 Fɔ̃́ɔ̃̀ kó kubɑkù kpeńnì kɑ̀ɑ nɔ̀ùtɛ̀ mɔ̀kɛ muwɛ̃rímú, kɑ̀ɑ nɔ ndɛmɔu.
15 A beéntì wennimu kɛ síɛ́ kɛ̀ tiì te kɑ̀ɑ kpɑ̀tì fìíkú. A ni ɑ ɛì kɛ dì dɔɔri mɛsɑ̀ɑ̀ mmɛ nɛ̀ timɔ́mmɔnti.
16 Dɛ̀ nnɑɑti kubotí kùù dɑ íútí fɔ̃́ nti Yiɛ̀ nKuyie. Bɛ̀ bo nkérí ɑ kó kuwenniku miɛkɛ.
17 Nɛ̀ ɑ kpɛ́í nkɛ bɛ̀ yɑ̃̀nkunɛ̀mɛ̀ diwɛ̀ì yɛwe yɛmɔu, ɑ wetí mɛ̀ɛ̀ kpɛ́í nte kɛ̀ bɛ̀ sɑ̃ntí bɛ mɑ́ɑ̀.
18 Fɔ̃́ɔ̃̀ te kɛ̀ bɛ yètɛ̀ feí kɛ̀ bɛ̀ mɔ̀kɛ̀ muwɛ̃rímú, ɑ kó mɛsɑ̀ɑ̀ mmɛɛ̀ bɛ̀ yɛ̀útí muwɛ̃rímú.
