Text copied!
Bibles in Ditammari

YƐSÃÃ 55:3-20 in Ditammari

Help us?

YƐSÃÃ 55:3-20 in Bibiri Kuyie Nnɑ́ɑǹtì Pɑ́tíri

3 Dɔúnní ɑ toò m bíɛ́kɛ̀ kɛ́ n tɛ̃́nnɛ́, nh ɑrìmu tipíìtì timɔu nɛ̀ mɛyɛǹcɑɑ̀rìmɛ̀ kɛ mítìrì
4 n dootitɔù tɑmmɛ̀ kpɛ́í nɛ̀ oyɛiwe wèè ǹ fɛ̃̀ṹnko, bɛ̀ n dɔ́nɛ̀ mɛyɛi mmɛ, kɛ n wɑ́tìrì nɛ̀ kɛmiɛkɛ.
5 Kufɔ̃wɑɑ́ nkuù m bo kɛ n kɔ̃̀ntì ɑu, Mukṹṹ nkó kufɔ̃wɑɑ́ nkuù n do.
6 Iyĩ̀ɛ̃̀kɛ nɛ̀ kukɔ̃m̀bɔ̀doróo dɛɛ̀ m̀ pĩ, kufɔ̃wɑɑ́ nkuù nh ɑutɛ́, kɛ̀ n kɔ̃̀ntì ɑu.
7 Kɛ̀ n yĩ, we mbo m pɑ̃ ifìɛ̀ti, kɛ̀ m puu tɛnɔ́nkpetɛ kɔ̃mɛ kɛ́sɔri.
8 N nɑ mpùu kɛ dɛ̀tɛ́, n nɑ nkɔ̀tɛ kɛ́mbo dikpɑ́ɑ̀.
9 N nɑ ndɔ̀ɔ̀ mɛcɑ̃ɑ̃ nkɛ pɛ̀tɛ́ disɔ̀rì, kɛ yentɛ́nɛ̀ kuyɑɑkù kperíkù.
10 N Yiɛ̀ nKuyie, cɑkɛ n dootitɔbɛ̀ dɔ́ kɛ́dɔɔ̀ tì, duɔ́ nkɛ̀ bɛ nɑ́ɑǹtì bɑ́ɑ́ mɑ́ɑ́. Kɛ yɛ̃́ n wúómmɛ̀ dihɛì miɛkɛ bɛ̀ kpɑ̀mmɛ̀ kɛ puotì bɛtɔbɛ̀.
11 Bɛ̀ firì dihɛì duotí ĩ́nkɛ̀ nkɛ kɛyènkɛ̀ nɛ̀ kuyie. Mɛyɛi nnɛ̀ mɛsémmɛ̀ dɛɛ̀ mɑ́ɑ̀ pìɛ́kɛ́ dihɛì.
12 Munitikɔ̀ù muù píɛ ndihɛì, siyɑ́ɑ̀bìsí nɛ̀ mɛsoùmmɛ̀ dɛ̀ í deu yɛcɛ̃kɑrɛ̀ miɛkɛ.
13 Kɛ̀ n kpɑntídɛ̀ntɔù weè do n sɑ̃́ɑ̃́ ndɛ̀ bɑ́ nni nyóù, kɛ̀ n dootitɔù weè do n kpɑnnɛ̀ nnɑ nhò sɔ̀rinɛ̀mu.
14 Fɔ̃́ n kó kutɔ̃nkù kou fɔ̃́ɔ̃̀ mɛ nni nwe, nɛ̀ wè ti yɛ̃́ titɔbɛ̀ kpɛti kɛ nɛiti.
15 Tíì do nɑɑti mɛsɑ̀ɑ̀, kɛ niɛ̀ nɛ̀ ditĩ̀nnì kɛ kɔrì Kuyie ncĩ́ɛ̃̀tɛ̀.
16 Mukṹṹ mbɛ̀ dɛ̀ɛ́tɛ́ kɛ̀ bɛ̀ɛ tɑ kudɔnkù bɛfòùbɛ̀, kɛ yɛ̃́ kuyonku bɛ̀ nɛínɛ̀mɛ̀ tipíìtì timɔu.
17 Mí nyóó yú Kuyie nku, kɛ̀ kù n dɛɛtɛ́.
18 N kuɔ̀mmu kɛ sɑ́útí dikṹnweńnì nɛ̀ kuyie nnɛ̀ kuyuoku, kɛ̀ kù kèè n dɑbònnì.
19 Kuù yó n dɛɛtɛ́ kɛ̀ n yɛ̀ sṹɔ̃́ɔ̃́, bɑ́ bɛ̀ɛ̀ n kpɑ̀nnɛ̀ bɛ̀ mɛ nsũmɛ̀.
20 Kuyie nyóó keèmu n dɑbònnì kɛ́ bɛ̀ kɛ̃́kùnnɛ, kuù tu okpɑ̀ɑ̀tì sɑ̃́ɑ̃̀. Dɛ kó bɛnìtìbɛ̀ í yóó ceetɛ, bɛ̀ í dé Kuyie.
YƐSÃÃ 55 in Bibiri Kuyie Nnɑ́ɑǹtì Pɑ́tíri