23 Kɛ̀ Kuyie mpɛ́nsìrì onìtì borimɛ, kuù ɔ̃ɔ̃ duɔ́ nkòò nkérí kɛ í yĩɛ̃̀kù.
24 Kòò do ò bɑ́ nduɔ́, Kuyie nkuù ɔ̃ɔ̃ pĩ́ nho nɔ̀ùtɛ̀ kɛ́yíi.
25 Nɛ̀ m bɛmmɛ̀ kɛ yɑ̀ɑ kótɛ́nɛ̀, n yí yɑ̀ Kuyie mbɔntóo dɛ̀ osɑ̀ù, yoo ò yɑɑ̀bí mmúɔ́tɛ dɛ̀ mudiì.
26 Osɑ̀ù mɔ̀kɛ mɛsémmɛ̀ mmɛ sɑ̃́ɑ̃̀, kɛ penni o kpɛrɛ bɛtɔbɛ̀, kòo yɑɑ̀bí pɛ́ú dɛ kó mɛsɑ̀ɑ̀.
27 Yóu mɛyɛi nkɛ́ndɔɔri mɛsɑ̀ɑ̀, ɑ yɑɑ̀bí bo ḿbo sɑ̃́ɑ̃̀ dihɛì.
28 Kuyie ndɔ́ timɔ́mmɔnti nti, kù í buɔnko bɛ̀ɛ̀ kù tũ. Kù bɛ̀ bɑ̀ɑ̀mu sɑ̃́ɑ̃̀, kù yóó dɛitɛ bɛnitiyɛibɛ yɑɑ̀bí nyi.
29 Kɛ̀ bɛsɑ̀ɑ̀bɛ̀ɛ tiekɛ dihɛì, kɛ́ ndì bo sɑ̃́ɑ̃̀.
30 Osɑ̀ù nɑ̀ɑ́ mmɛciì nkó tinɑ́ɑǹtì nti, tìì yìɛ̀ní o nùù kɛ̀ tì wenni.