1 Dɑfiti yɛ̀nfɛ̀. Dɛ̀ nnɑɑti Kuyie ncĩ̀ɛ̃́ nwè o yetímɛ̀, kù ũtɛ́ wè o yɛi.
2 Dɛ̀ nnɑɑti ti yiɛ̀ nKuyie ntɛ̃́nkɛ í kɑɑ̀nnɛ̀ wèè kó mɛyɛi, dɛ̀ nnɑɑti wèè yɛ̀mmɛ̀ wenni.
3 N do í dɑ́ɑ dìì mɔ̀nnì n yɛi nkɛ̀ n wɛ̃rímú mùù dèè, kɛ̀ n níí ntṹṹ nkɛ mítìrì.
4 Kɛ yɛ̃́ ɑ do m puotìmɛ̀ kuyie nnɛ̀ kɛyènkɛ̀, kɛ̀ n wɛ̃rímú dèè kɛ̀ m mɔ̀tɛ́ mupɑɑkɛ̀ntie kɔ̃mɛ.
5 M mɛ ndɑ dɑ́ɑmmu n yɛi, n yí sɔ̀nnɛ n yetímɛ̀, m bɛ́immu kɛ tú n cɑ̀ɑ̀rɛ̀, kɛ dɑ dɑ́ɑ n yɛi, nkɑ̀ɑ mɛ̀ nni nhũtɛ́.
6 Dɛɛ̀ te kɛ̀ bɛsɑ̀ɑ̀bɛ̀ dò nkɛ́ ndɑ bɑ́ɑ́ ndimɔ̀nnì sɑ̀ɑ̀rì. Bɑ́ kɛ̀ mɛyɛi tùɔ̀kɛní fɛtɑɑfɛ̀ diɛfɛ̀ kɔ̃mɛ mɛ̀ bɑ́ɑ́ bɛ̀ nìntɛ.
