12 Mɛyɛǹcɑɑ̀rìmɛ̀ mɛɛ̀ ǹ tɔ́kɛ́nɛ̀, ɑ bɑ́ n dɛ́tɛ́nɛ̀, òmɔù í bo wèè bo n tee.
13 Yɛnɑɑdɑkɛ̀ pɛ́u yɛɛ̀ ǹ fitɛ́, Bɑsɑ̃ɑ̃ nɑɑdɑkɛ̀ yɛɛ̀ n cɛ̃̀tinɛ̀.
14 Yɛ̀ ɑ̀ɑ̀tɛ tinùùtì nti kɛ bo m pĩ́, kɛ dò ndicìrícìrì dìì pĩ nkɛ kontí.
15 N wɛ̃rímú muù sũ̀ɔ̃̀too mɛniɛ mbɛ̀ còúmmɛ̀ kɛtenkɛ̀ mɛ kɔ̃mɛ, kɛ̀ n kṹɔ̃̀ bɔ̀kíí, kɛ̀ n kɔ̃m̀bùɔ̀tì yìɛ̀tɛ mɛkùɔ̀ nkɔ̃mɛ.
16 N níí kuù kpeí tiyɑɑ̀kpetì kɔ̃mɛ, kɛ̀ n nɔ́ndɛnfɛ̀ dɑ̀ri n dɑ́ɑndɑɑkù. A n dɔú nkufɔ̃ti bɛ̀nnì ndi.
17 Simɔɔ́ siì n cɛ̃̀ɛ̃̀tɛ kɛ bo n cɑ́ɑ́kɛ́, bɛnitiyɛibɛ bɛɛ̀ n dií kɛ bo m pĩ́, kɛ dùùtɛ n nɑɑ̀cɛ̀i nɛ̀ n nɔu.
18 N yɔ̀kɛ̀ mɛdiɛ̀ mmɛ kɛ̀ n kṹɔ̃̀ feitɛ́. N dootitɔbɛ̀ n wùómmu kɛ m pɑkɛ́,
19 kɛ totí n yɑ̀ɑ̀tì, kɛ tɑ̃ũ tɛ́tɛ́ n yɑɑ̀bòrì.
