2 Ti Yiɛ̀ nKuyie ndɛ̀ nɑɑtimu okpɑ̀ɑ̀tì ɑ mɔkɛ mɛ̀ɛ̀ kpɛ́í mmuwɛ̃rímú, ɑ ò teennɛ̀mu kɛ̀ dɛ kó diwɛ̀ì diɛrì ò bo.
3 A ò duɔ́mmu o yɛ̀mmɛ̀ dɔ́ dɛ̀, ɑ í ò yetɛnɛ̀ ò dɑ mɔɔ dɛ̀.
4 A ɔ̃ɔ̃ ò conɛ̀ mɛsɑ̀ɑ̀ mmɛ, kóò òó mmɛsɔɔ nsɑ̀ɑ̀mɛ̀ kó dipìì
5 Ò dɑ mɔɔ mufòmmu mmu kɑ̀ɑ mù nhò duɔ́, koò yìɛ́ yɛwe kòo fòmmu òkɛ̀ mɛdiɛ̀.
6 Fɔ̃́ɔ̃̀ ò dɛɛtɛ́ kòo yètìrì dɛukɛ, fɔ̃́ɔ̃̀ ò dɛ̀úkùnnɛ koò duɔ́ ndisɑ̃nni.
7 Koò dɔ̀ɔ̀ri mɛsɑ̀ɑ̀ ndiɛmɛ̀ sɑ̃́ɑ̃̀, kòo duɔ̀ ndiwɛ̀ì ɑ borɛ̀.
