1 Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀.
2 N Yiɛ̀ nKuyie nhɑ́ n dɛɛtɛ́nɛ̀ bɛyɛibɛ, ɑ́ nni nkɑ̃nkɛ́ bɛnitiyonkubɛ.
3 Bɛ̀ ɔ̃ ntoti bɛ yɛ̀mmɛ̀ kɛ bo dɔɔ̀ mɛyɛi mmɛ, yɛwe yɛmɔu bɛ̀ dɑ̀ńnì yɛkpɑ̀rɛ̀ nyɛ.
4 Bɛ̀ pɛ̀rímú bɛ nɔ́ndiɛ́ nyi iwɑ̀ɑ̀kɛ kɔ̃mɛ, kɛ̀ bɛ nɑ́ɑǹtì dò mmɛwɑɑ̀dɔ̀mmɛ̀.
5 N Yiɛ̀ nKuyie nhɑ́ nni nkɑ̃nkɛ́ bɛnitiyɛibɛ, ɑ́ nni mbɑɑ bɛnitiyonkubɛ, bɛ̀ɛ̀ wɑnti kɛ́kotɛ n tɑ̀ɑ̀kɛ.
6 Sipɔɔ yɛmbɛ̀ n díí kufɑ̃ku nku, bɛ̀ piiti iwɛ̃ĩ nyi n kó kucɛ, bɛ̀ dɔú nticùɔ̀tì nti n kérí kùù cɛ, bɛ̀ n dìí timɑ́tì nti.
7 N Yiɛ̀ nKuyie n dɑ nɑ̀kɛ́mu kɛ tú fɔ̃́ɔ̃̀ tu Kuyie n tũ nkù, n Yiɛ̀ nKuyie nkéntɛ́ m bɑ́ɑmmìi.
