4 M bɑ́ɑ́ yie nkɛ̀ n nuɔ nhṹṹ, m bɑ́ɑ́ yie nkɛ̀ munɔndɔmmú m pĩ́.
5 Kɛ̀ n yí pɛ̀tɛ́ n Yiɛ̀ nKuyie ndikɑ̀rì, kɛ̀ n yí pɛ̀tɛ́ tɛcĩ́ɛ̃̀tɛ̀, Kuyie nkùù kpeńnì, Sɑkɔbu do tũ nkù kpɛ́í.
6 Ti do kèèmu Kuyie ntɑummɛ̀ tɔu bomɛ̀ Efɑdɑtɑ, kɛ̀ ti di yɑ̀ Yɑɑri kó dɛpɑɑ mmiɛkɛ.
7 Ti tɑnnɛ̀ ti Yiɛ̀ nKuyie ncĩ́ɛ̃̀tɛ̀ kɛ́nínkú kɛ́sĩ́nnɔ́ɔ ku ììkɛ̀.
8 Ti Yiɛ̀ nKuyie nkɔtɛní ɑ cĩ́ɛ̃̀tɛ̀ nɛ̀ ɑ tɑummɛ̀ tɔu ɑ wɛ̃rímú borɛ̀, kɛ́kɔtɛní ɑ cĩ́ɛ̃̀tɛ̀ kɛ́om̀pɛ̀.
9 A kuɔ́ nìùbɛ̀ ndɑɑti ɑ kó timɔ́mmɔnti, bɛ̀ɛ̀ wetí kɛ̀ bɛ̀ nyɑ̃nkunɛ̀ diwɛ̀ì.
10 Nɛ̀ ɑ kóo tɔ̃ntì Dɑfiti ɑ dɔ́ wè kpɛ́í, ɑ bɑ́ɑ́ dootóo ɑ tɑ̃ɑ̃tɛ́ wè.
11 Ti Yiɛ̀ nKuyie ndɔúnnɛ̀ dìì nùù Dɑfiti, di í yóó dɛitɛ, dì bomu nsɑ̃́ɑ̃̀, diì tu: A bí ɑ pɛitɛ́ ì miɛkɛ i kóò mɔù weè yóó kɑri ɑ kpɑ̀ɑ̀tìkɑ̀rì.
12 Kɛ̀ nsɑ̀ kɑ̀ɑ bí pĩ́ mmɛtɑummɛ̀ m bɛ̀ dɔ̀ɔ̀nɛ̀mɛ̀, kɛ tũ n kuɔ́ m bɛ̀ duɔ́ nyì, bɛkpɑ̀ɑ̀tìbɛ̀ yó nyiɛ̀ní bɛɛ̀ miɛkɛ, bɛmbɛ nɛ̀ bɛ yɑɑ̀bío sɑ̃́ɑ̃̀ kɛ́nkɑrì ɑ kpɑ̀ɑ̀tìkɑ̀rì.
13 Ti Yiɛ̀ nKuyie nkuù tɑ̃ɑ̃tɛ́ Siyɔ̃ɔ̃, kuù dɔ́ kɛ́dɔɔ̀ ku cĩ́ɛ̃̀tɛ̀.
14 Ku kó diom̀pùrì ndi, ku kó diɑ̃rì ndi, kuù dɔ́ kɛ́ ndɛ̀ bo.
