26 Gbəŋcana babɔkɔ kɔ antɔf ŋeyikcɛ pəpɔŋ, kɔ tɔsɔŋɛ kəlɔ ka bili tantɔf kəcekəlɛ. Kɔ cumba fəp cəŋgbitɛ, kɔ gbekce fəp yoŋkoŋɛ.
27 Kɔ wəbum bili entimɛ, k’ɛnəŋk ntɛ cumba ca bili cəŋgbitɛ mɔ, k’owurɛ dakma dɔn pəc-kɔ kədifnɛ, bawo ɛnacɛm-cɛmnɛ a afum aŋɛ ambɛr dəbili mɔ ŋayɛksɛ.
28 Kɔ Pol oŋkulɛ-kulɛ pəpɔŋ: «Ta məyɔnɛ pəlɛc, səyi nnɔ fəp fosu!»
29 Kɔ wəbum bili ewe nɛŋc, k’ɛmbɛrɛ katəna-katəna, k’ɔŋkɔ pətɛmpɛnɛ fɔr ya Pol kɔ Silas kiriŋ, pəc-yikcɛ kənesɛ disrɛ.
30 K’owurɛnɛ ŋa nde doru k’eyif ŋa: «Abɛ, cəke cɔ pəmar iyɔ ntɛ tendeyac im mɔ-ɛ?»
