15 Ntɛ alip kəkaraŋ Tawurɛta Musa kɔ Sayibɛ-e mɔ, kɔ abɛ a kəlɔ ka dəkətola da Kanu ndɛ ŋaloku Barnabas kɔ Pol: «Awɛŋc su aŋa, kɔ nəyɔ toloku tecəpəsɛ abəkəc ntɛ nəŋfaŋ kəloku afum mɔ, nəloku ti.»
16 Kɔ Pol ɛyɛfɛ, k’ondot kəca, k’oloku: «Arkun a Yisrayel, kɔ nəna aləpəs aŋɛ nəŋnesɛ Kanu mɔ, nəcəŋkəl!
17 Kanu ka afum akaŋɛ, Kanu ka Yisrayel, kənayɛk-yɛk atem asu, kɔ kəsɔŋɛ ŋa kəla tɛm ntɛ ŋanayi decikəra Misira mɔ, kɔ Kanu kin kaŋkɔ kəwurɛnɛ ŋa atɔf ŋaŋɔkɔ fənɔntər fa kəca kɔn.
18 Kɔ kəlɛkɛ ŋa mes mɛlɛc maŋan nde dətɛgbɛrɛ meren wəco maŋkəlɛ (40).
