5 Yinni Gusunɔ, bɑ wunɛn tɔmbu dɑm dɔremɔ be, be bɑ sɑ̃ɑ wunɛn ɑrumɑni.
6 Bɑ ɡɔminibu kɑ sɔbu ɡoomɔ. Mɑ bɑ ɡobekubɑ sɛ̃remɔ bɑ ɡoomɔ.
7 Bɑ mɔ̀, Yinni Gusunɔ kun sun mɛɛrɑ. Gusunɔ Yɑkɔbun Yinni wi, kun bɛsɛn lɑɑkɑri mɔ̀.
8 Bɛɛ ɡɑri bɑkɑsu, i n tii sɛ. Sere sɑɑ yerɑ̀ i ko i bwisi ko.
9 Gusunɔ wi u tɔnu swɑsu ɡirɑ, wiyɑ kun kpɛ̃ u ɡɑri nɔ? Wi, wi u tɔnu nɔni ɡirɑ, wiyɑ kun kpɛ̃ u yɑm wɑ?
10 Wi, wi u rɑ bwesenu sɛɛyɑsie, wiyɑ kun tɔnu sɛɛyɑsiɑmɔ? Wi, wi u rɑ tɔnu yɛ̃ru wɛ̃, wiyɑ kun bwisi mɔ?
11 Yinni Gusunɔ u tɔmbun bwisikunu yɛ̃. U yɛ̃ mɑ nu sɑ̃ɑwɑ kɑm dirum.
12 Yinni Gusunɔ, doo nɔɔruɡiiwɑ wi ɑ sɛɛyɑsiɑmɔ. Doo nɔɔruɡiiwɑ wi ɑ seeyɑ kɑ wunɛn woodɑ.
13 Wɑhɑlɑn sɑɑ sɔɔ, u ko n wɑ̃ɑwɑ bɔri yɛndu sɔɔ sere bu kɑ tɔn kɔ̃so suurɑ ɡbeɑ.
14 Yinni Gusunɔ kun win tɔmbu derimɔ. U ǹ bu biru kisimɔ, be, be bɑ sɑ̃ɑ win ɑrumɑni.
15 Domi ɡemɡiiwɑ u koo siribu di. Bèn ɡɔ̃ru ɡɑ dɛɛre kpɑ bu siri bi wurɑ.
16 Wɑrɑ u koo mɑn sɑnnɑ tɔn kɔ̃sobun mi. Wɑrɑ u koo kɑ mɑn yinɑ kɔ̃sɑn kowo ben nɔmɑn di.
