3 bɑ n wunɛn durom ɡɑri kpɑrɑmɔ bururu, kpɑ bɑ n wunɛn bɔrɔkinirun ɡɑri kpɑrɑmɔ wɔ̃kuru
4 kɑ mɔrɔku kɑ ɡɔ̃ɔɡeru.
5 Yinni Gusunɔ, ye ɑ kuɑ yɑ mɑn nuku dobu wɛ̃. Mɑ nɑ ye kpuro siɑrɑmɔ kɑ womusu.
6 Yinni Gusunɔ, wunɛn sɔmɑ ye ɑ kuɑ yɑ kpɑ̃. Wunɛn bwisikunu nu duku.
7 Gɑri bɔkɔ ɡɑ ǹ kpɛ̃ ɡu nu tubu, mɛyɑ nu ǹ mɑɑ kpɛ̃ nu nùn yeeri.
8 Geemɑ, tɔn kɔ̃sobu bɑ seemɔ nɡe yɑkɑsu, mɑ nuku kɔ̃suruɡibu bɑ kpɑrɑmɔ nɡe dɑ̃ɑ. Kɑ mɛ, sɔ̃ɔ teeru bɑ koo bu kpeerɑsiɑ sere kɑ bɑɑdommɑɔ.
9 Adɑmɑ wunɛ Yinni Gusunɔ, wunɑ ɑ kpuro kere sere kɑ bɑɑdommɑɔ.
10 Wunɛn yibɛrɛbɑ kpuro bɑ koo kɑm ko. Be bɑ kɔ̃sɑ mɔ̀ kpuro bɑ koo yɑrinɑ.
