3 Domi wee wunɛn yibɛrɛbɑ bɑ seewɑ, be, be bɑ nun tusɑ bɑ wiru yɔ̃rɑsie.
4 Wee bɑ kɔ̃sɑ wesiɑnɑmɔ wunɛn tɔmbun sɔ̃. Bɑ nɔɔ tiɑ mɔ̀ be ɑ kɔ̃sun sɔ̃.
5 Bɑ ɡerumɔ bɑ mɔ̀, bu nɑ bu sun kpeerɑsiɑ bwesenu kpuron suunu sɔɔn di, kpɑ bu ku mɑɑ bɛsɛ Isirelibɑn yĩsiru yɑɑyɑ.
6 Wee bɑ wesiɑnɑ, mɑ be kpuro bɑ nɔɔ tiɑ kuɑ bu kɑ nun wɔri.
7 Beyɑ, Edɔmubɑ kɑ Isimɛɛlibɑ kɑ Mɔɑbubɑ kɑ Aɡɑribɑ
8 kɑ Gebɑlibɑ kɑ Amɔnibɑ kɑ Amɑlɛkibɑ kɑ Filisitibɑ kɑ sere Tiriɡibu.
9 Asiriɡibun tii bɑ nɑ bɑ kɑ bu nɔɔ tiɑ kuɑ, bɑ Lɔtun bibun bweseru, Amɔnibɑ kɑ Mɔɑbubɑ nɔmɑ kɑ̃.
10 Yinni Gusunɔ, ɑ bu kuo nɡe mɛ bɑ Siserɑ kɑ Yɑbini kɑ Mɑdiɑnibɑ kuɑ Kisionin dɑɑrɔ.
