12 U mɑɑmɑɑki kuɑ ben sikɑdobɑn wuswɑɑɔ Soɑniɔ Eɡibitin temɔ.
13 U nim wɔ̃ku bɛrɑ ɡɑ kpɑɑsinɑ ɡɑ yɔ̃rɑ nɡe ɡɑnɑ, mɑ u derɑ bɑ tɔburɑ.
14 Guru wii wurorɑ u derɑ tɑ bu ɡbiiye sɔ̃ɔ sɔɔ. Wɔ̃kuru, kpɑ u de dɔ̃ɔ yɑrɑ yɑ n sɔ̃ɔsire ɡuru wii wuro te sɔɔ.
15 U kpenu bɛsukɑ ɡbɑburɔ, mɑ nim bɑkɑm mu kurɑ bɑ nɔrɑ.
16 U derɑ nim mu yɑrɑ kpenun di, mɑ mu kokumɔ nɡe dɑɑ bɑkɑrun nim.
17 Adɑmɑ kɑ mɛ, bɑɑbɑ be, bɑ wi, Wɔrukoo torɑrimɔwɑ bɑ dɔɔ. Bɑ nùn seesiwɑ ɡbɑburu mi, mi ɡɑ̃ɑnu ku rɑ kpi.
18 Mɑ bɑ wi, Gusunɔ nɔɔ kuurɑ bɑ nùn dĩɑnu kɑnɑ ni bɑ kĩ.
19 Bɑ nɛɛ, kɑ ɡem, Gusunɔ u koo kpĩ u sun diisiɑ ɡbɑburu mini?