3 Nɑ̀ n nuki sɑnkire, nɑ rɑ Gusunɔ kɑsuwɑ. Wɔ̃kuru nɑ ku rɑ wɛ̃re. Nɑ rɑ nɛn nɔmɑ yiiyewɑ wɔllɔ nɑ̀ n kɑnɑru mɔ̀. Adɑmɑ kɑ mɛ, nɛn bwɛ̃rɑ ku rɑ kpunɛ.
4 Nɑ̀ n Gusunɔ yɑɑyɑ, nɑ rɑ n weeweenu mɔ̀wɑ. Nɑ̀ n bwisikɑ, nɛn ɡɔmɑ yɑ rɑ dwiiyewɑ.
5 Yinni Gusunɔ u ku rɑ de n dweeyɑ. Nɑ ku rɑ kpĩ n ɡɑri ɡere nɛn nɔni swɑ̃ɑrun sɔ̃.
6 Nɑ rɑ yellu yɑɑyewɑ kpɑ nɑ n ɡɑsɔn ɡɑri bwisikumɔ.
7 Nɑ nɛn womusu yɑɑyɑmɔ wɔ̃kuru, mɑ nɑ bwisikumɔ nɑ mɔ̀,
8 Yinni Gusunɔ u koo sun yinɑwɑ sere kɑ bɑɑdommɑɔ? U ǹ mɑɑ kɑ sun nɔnu ɡeu mɛɛrimɔ?
9 Win durom mu kpɑwɑ mi sere kɑ bɑɑdommɑɔ? U ǹ mɑɑ ɡɑri ɡɛɛ mɔ u sun sɔ̃ sere kɑ bɑɑdommɑɔ?
10 U duɑriwɑ u sun durom kuɑ? U sun win wɔnwɔndu wunɑriwɑ win mɔrun sɔ̃?
11 Mɑ nɑ nɛn tii sɔ̃ɔwɑ nɑ nɛɛ, wee ye yɑ mɑn dumɔ, yerɑ Wɔrukoon dɑm kun mɑɑ kɑ sun wɑ̃ɑ.
12 Yinni Gusunɔ, kon wunɛn sɔmɑ yɑɑyɑ. Domi nɑ yɑɑyɑ sɔm mɑɑmɑɑkiɡii ni ɑ kuɑ.
13 Kon wunɛn sɔmɑ kpuron ɡɑri kpɑrɑ. Kon sɔm mɑɑmɑɑkiɡinun ɡɑri sɑɑri.
14 Gusunɔ, wunɛn swɛɛ yi dɛɛrewɑ. Wɑrɑ u kɑ nun kpɑ̃ɑru nɛ.
15 A sɑ̃ɑwɑ wi u rɑ sɔm mɑɑmɑɑkiɡinu ko. A derɑ wunɛn dɑm mu sɔ̃ɔsirɑ bwesenu sɔɔ.
16 Kɑ wunɛn dɑmɑ ɑ wunɛn tɔmbu yɑkiɑ be, be bɑ sɑ̃ɑ Yɑkɔbu kɑ Yosɛfun sikɑdominu.
