9 bɑ n Gusunɔ wɔllu wɔmmɔ. Mɛyɑ mɑɑ ben yɑrɑ ku rɑ ɡoo deri hɑnduniɑ mi.
10 Yen sɔ̃nɑ tɔmbu kpuro bɑ wurɑmɔ ben mi ɡiɑ. Mɑ bɑ ben ɡɑri nɔrumɔ nɡe nim,
11 bɑ mɔ̀, Gusunɔ kun ɡɑ̃ɑnu yɛ̃. Wi, Wɔrukoo, u ǹ yɛ̃ru mɔ.
12 Nɡe mɛyɑ tɔn kɔ̃sobun wɑ̃ɑrɑ sɑ̃ɑ. Bɑ ku rɑ n wurure. Bɑ rɑ n ben dukiɑ kuurɑsiɑmɔwɑ.
13 Mɑ nɑ tii sɔ̃ɔwɑ nɑ nɛɛ, ǹ n mɛn nɑ, kɑm sɔɔrɑ nɑ nɛn ɡɔ̃ru dɛɛrɑsiɑ, mɑ nɑ niɑ n kɑ sɔ̃ɔsi mɑ nɑ dɛɛre.
14 Yinni, tɔ̃ru bɑɑtere ɑ rɑ mɑn sɛɛyɑsiewɑ, kpɑ ɑ mɑn nɔni sɔ̃ bururu bɑɑtere.
15 Nɑ̀ n nɛɛ, kon ko nɡe tɔn kɔ̃so be, ko nɑ n kĩ n nɛn bweseru siki te ɑ ɡɔsɑ.
16 Ye nɑ ɡɑri yin ɑsɑnsi kɑsu n kɑ yi tubu, mɑ nɑ wɑ yi mɑn sɛ̃sie too.
