16 A ku de nim yiburu tu mɑn wukiri, kpɑ nim bweru tu mɑn di. A ku de wɔru bɔkɔ ɡu mɑn kɔrusi.
17 Yinni Gusunɔ, ɑ mɑn wurɑrio wunɛn tɔn ɡeerun sɔ̃. Wunɛn wɔnwɔn bɑkɑru sɔɔ, ɑ mɑn sĩiremɑ.
18 A ku nɛ wunɛn sɔm kowo biru kisi. A mɑn wurɑrio fuuku, wee nɑ wɑ̃ɑ nuku sɑnkirɑ bɑkɑnu sɔɔ.
19 A susimɑ ɑ nɛn hunde wɔrɑ. A mɑn fɑɑbɑ koowo nɛn yibɛrɛbɑn nɔmɑn di.
20 A yɛ̃ nɡe mɛ bɑ mɑn funɛ wunɑ. Bɑ mɑn sekuru doke, bɑ mɑn kɑm mɛɛrɑ. A mɑɑ nɛn yibɛrɛbɑ kpuro yɛ̃.
