7 Wunɑ ɑ dɑm mɔ. Kɑ dɑm mɛyɑ ɑ kɑ ɡuunu swĩi nin ɑyenɔ.
8 Wunɑ ɑ rɑ nim wɔ̃kun wɔkinu mɑrisie, kpɑ ɑ ɡen nim kurenu yɔ̃rɑsiɑ. Mɛyɑ ɑ rɑ mɑɑ tɔmbun wurenu kpeesie.
9 Hɑnduniɑn ɡoonu nnɛ sɔɔ, tɔmbu kpuro bɑ wunɛn sɔm mɑɑmɑɑkiɡinu nɑsie. Wunɛ wi ɑ rɑ sɔ̃ɔ yɑri yeruɡibu kɑ sɔ̃ɔ duu yeruɡibu nuku dobu wɛ̃.
10 Wunɑ ɑ rɑ tem nɔɔri, kpɑ ɑ mu nim yɛ̃kɑ mu n kpɑ̃. A rɑ mɑɑ de mu n dukiɑ mɔ. Gusunɔ, wunɛn bwiɑ yɑ nim yibɑwɑ. Mɛyɑ ɑ rɑ kɑ tem dwiiyɑsie, kpɑ dĩɑnu nu wɑ nu kɑ kpi.
