4 A wunɛn nuku dobu kɑsuo Yinni Gusunɔn mi. U koo mɑɑ nun wɛ̃ ye wunɛn ɡɔ̃ru ɡɑ kĩ.
5 A Yinni Gusunɔ wunɛn wɑ̃ɑru nɔmu sɔndio, ɑ n nùn nɑɑnɛ sɑ̃ɑ. Wiyɑ u koo nun kpuro wunɑnɑ.
6 U koo de wunɛn ɡem mu sɔ̃ɔsirɑ nɡe sɔ̃ɔ wii wɔllun sɔ̃ɔ.
7 Wi u kpĩɑ u kɔ̃sɑ kuɑ ye u ɡɔ̃ru doke, ɑ ku tii nɔwiɑ ko win sɔ̃. A n mɑɑri kpɑ ɑ n Yinni Gusunɔ swɑɑ dɑki.
8 A mɔru derio, ɑ nuku ɡbisibu yinɔ, ɑ ku tii nɔwiɑ ko. Ye kpurowɑ yɑ koo rɑ nun kɔ̃sɑ koosiɑ.
9 Domi bɑ koo tɔn kɔ̃sobu kpeerɑsiɑ, ɑdɑmɑ be bɑ Yinni Gusunɔ nɑɑnɛ sɑ̃ɑ, berɑ bɑ ko n tem mɛ mɔ.
10 N tie fiiko ye tɔn kɔ̃sobɑ kun ko n mɑɑ kɑ wɑ̃ɑ. Bɑɑ ɑ̀ n mɛɛrɑ mi bɑ rɑɑ wɑ̃ɑ, ɑ ǹ mɑɑ bu wɑsi.
11 Adɑmɑ be bɑ tii yɛ̃, bɑ koo tem mɛ tubi di, kpɑ bɑ n yɛ̃ɛrimɔ ɡem ɡem ɑlɑfiɑ sɔɔ.
12 Tɔn kɔ̃sobɑ ɡemɡibu bwisiku kɔ̃sunu koosimɔ, mɑ bɑ bu wiru diirisimɔ.
13 Yinni u tɔn kɔ̃so be yɛ̃ɛmɔ, u yɛ̃ mɑ tɔ̃rɑ bu sisie.
14 Tɔn kɔ̃sobɑ ben tɑkobi womɑmɔ, mɑ bɑ ben tɛnnu bɛrimɔ bu kɑ sɑ̃ɑrobu kɑ wɔnwɔndobu hunde wunɑ, kpɑ bu be bɑ ɡeɑ mɔ̀ ɡo.
15 Adɑmɑ ben tɑkobi be, bɑ koo duwɑ ben tiin toronɔ, kpɑ ben tɛnnu nu bɔɔkirɑ.
16 Gɑ̃ɑ piimii ni ɡemɡii u mɔ, nu tɔn kɔ̃so dɑbinun dukiɑ kere.
17 Domi bɑ koo tɔn kɔ̃sobun dɑm kpeerɑsiɑ, ɑdɑmɑ Yinni Gusunɔ u yɔ̃ ɡemɡibun biruɔ.
18 Yinni Gusunɔ u yɛ̃ ye n koo tɑɑrɛ sɑriruɡibu deemɑ ben wɑ̃ɑru sɔɔ. Ben yɛnu ɡɑ ǹ bɑnsu mɔ̀.
