2 I nùn siɑro kɑ mɔrɔkunu kpɑ i womusu ko kɑ ɡɔ̃ɔɡenu.
3 I nùn bɛɛrɛ wɛ̃ɛyɔ kɑ wom kpɔɔ, kpɑ i ɡɑ̃ɑsu torɑ i kɑ nùn siɑrɑ.
4 Yinni Gusunɔ u rɑ ɡem ɡerewɑ. Ye u mɑɑ ɡeruɑ kpuro yɑ rɑ koorewɑ mɑm mɑm.
5 U rɑ ye yɑ woodɑ kɑ ɡem swĩi kɑ̃. Win durom mu yibɑ tem kpuro sɔɔ.
6 Win nɔɔn ɡɑriyɑ wɔllɑ kɑ tɑkɑ koorɑ, kɑ ɡɑ̃ɑ ni nu wɑ̃ɑ te sɔɔ kpuro.
7 Mɑ u derɑ nim wɔ̃kun nim mu mɛnnɑ yɑ̃ɑtem.
8 Bɛɛ hɑnduniɑɡibu, i Yinni Gusunɔ nɑsio. I diirio win wuswɑɑɔ.
9 Domi ye u ɡeruɑ kpuro, yerɑ yɑ rɑ koore. Ù n woodɑ wɛ̃ kpɑ yu koorɑ.
10 Yinni Gusunɔ u rɑ bwesenun himbɑ ɡɔsie, kpɑ yu kɑm ko mɑm mɑm.
11 Adɑmɑ win himbɑ yɑ ku rɑ ɡɔsiɑre, yɑ ko n wɑ̃ɑwɑ sere kɑ bɑɑdommɑɔ.
12 Bwese te tɑ Gusunɔ mɔ Yinni, tɑ ko n nuku dobu mɔwɑ. Mɛyɑ bwese te u mɑɑ ɡɔsɑ win tiin sɔ̃ tɑ koo yɛ̃ɛriwɑ.
13 Sɑɑ wɔllun diyɑ Yinni Gusunɔ u tɔmbu kpuro mɛɛrɑ.
