14 Nɑ nɔɔmɔ kɔ̃sɑ ye tɔmbɑ ɡerumɔ nɛn sɔ̃. Mɑ be bɑ mɑn sikerenɛ kpuron bɛrum mɑn mɔ̀. Domi bɑ wesiɑnɑmɔ bu kɑ mɑn ɡo.
15 Adɑmɑ Yinni Gusunɔ, wunɑ nɑ nɑɑnɛ sɑ̃ɑ. Domi wunɑ ɑ sɑ̃ɑ nɛn Yinni.
16 Nɛn siɑn wɑ̃ɑru kpuro wunɛn nɔmu sɔɔrɑ tɑ wɑ̃ɑ. A mɑn wɔro sɑɑ nɛn yibɛrɛbɑ kɑ be bɑ mɑn nɔni sɔ̃ɔmɔn nɔmɑn di.
17 A mɑn wunɛn yɑm bururɑm sɔ̃ɔsio. A mɑn wɔro wunɛn durom sɔ̃.
18 Yinni Gusunɔ, nɑ̀ n nun sokɑ, ɑ ku de n sekuru wɑ. Adɑmɑ ɑ de tɔn kɔ̃so u sekuru wɑ, kpɑ u dɑ ɡɔribun wɑ̃ɑ yerɔ ɡɔɔ u nùn nɔɔ mɑrisiɑ.
19 A ku de wee kowobu bu ɡɑri ɡere, kɑ be bɑ tii suɑ ɡɑri mɔ̀, bɑ ɡɑbu ɡɛmɑ.
20 Yinni Gusunɔ, wunɛn durom mu kpɑ̃, mɛ ɑ be bɑ nun nɑsie yiiye, kɑ be bɑ ben nɑɑnɛ doke wunɛ sɔɔ. Tɔmbu bɑ koo kpĩ bu wɑ durom mɛ ɑ rɑ bu kue.
21 Domi ɑ rɑ be bɑ nun nɑsie kɔ̃su, kpɑ bɑ n wɑ̃ɑ wunɛn wuswɑɑɔ bu ku kɑ du nɑɑnɑɑnu sɔɔ, kpɑ ɑ bu bere wunɛn dirɔ tɔn kɔ̃sobun sɔ̃.
