2 Wunɑ nɑ sɔ̃ɔmɔ mɑ ɑ sɑ̃ɑ nɛn Yinni. Wunɛ turowɑ ɑ rɑ mɑn ɡɑ̃ɑ ɡeenu wɛ̃.
3 Be bɑ nun mɛm nɔɔwɑmmɛ tem mɛ sɔɔ, berɑ bɑ bɛɛrɛ mɔ. Be sɔɔrɑ nɛn kĩru kpuro wɑ̃ɑ.
4 Adɑmɑ be bɑ bũnu sɑ̃ɑmɔ, bɑ tii nuku sɑnkirɑnu sosiɑmmɛwɑ. Nɑ ǹ kɑ bu bũu yɑ̃kunu mɔ̀. Nɑ ǹ bũu nin yĩsiru sokumɔ.
5 Yinni Gusunɔ, wunɑ ɑ rɑ mɑn wɛ̃ yèn bukɑtɑ nɑ mɔ. Wunɑ ɑ mɑɑ yɛ̃ ye n koo mɑn deemɑ.
6 Wunɑ kɑɑ mɑn tubi ɡeɑ wɛ̃. Kɑ ɡem nɑ nuku dobu mɔ.
7 Yinni Gusunɔ, wunɑ nɑ siɑrɑmɔ yèn sɔ̃ ɑ rɑ mɑn bwisi kɛ̃. Wunɑ nɑ siɑrɑmɔ yèn sɔ̃ ɑ rɑ mɑn kirɔ ko bɑɑ kɑ wɔ̃kurɔ.
8 Wunɑ nɑ rɑ n mɛɛrɑ bɑɑdommɑ. Wunɑ ɑ rɑ n wɑ̃ɑ kɑ nɛ. Wunɑ ɑ rɑ n mɑn kɔ̃su. Gɑ̃ɑnu kun kpɛ̃ nu mɑn surɑ.
9 Nɛn nukurɑ do. Nɛn bwɛ̃rɑ yɛmiɑ. Nɛn wɑsi koo wɛ̃rɑ bɔri yɛndu sɔɔ.
10 Domi ko nɑ n kɑ nun wɑ̃ɑ. A ǹ nɛn hunde derimɔ ɡɔribun wɑ̃ɑ yerɔ. A ǹ wurɑmɔ wunɛn kĩnɑsin wɑsi yi kɔ̃si.
