13 Yinni Gusunɔ, wunɛn yĩsiru tɑ ko n wɑ̃ɑwɑ sere kɑ bɑɑdommɑɔ. Bɑ ko n nun yɑɑyewɑ wɑɑti bɑɑyere sɔɔ.
14 Yinni Gusunɔ u koo win tɔmbu siriɑ, kpɑ u win sɔm kowobun wɔnwɔndu wɑ.
15 Bɑ bwesenun bũnun bwɑ̃ɑrokunu kuɑwɑ kɑ sii ɡeesu kɑ wurɑ. Tɔmbun nɔmɑn sɔmburɑ.
16 Nu nɔsu mɔ, ɑdɑmɑ nu ku rɑ ɡɑri ɡere. Nu nɔni mɔ, ɑdɑmɑ nu ku rɑ yɑm wɑ.
17 Nu swɑsu mɔ, ɑdɑmɑ nu ku rɑ ɡɑri nɔ. Nu ǹ wɛ̃siɑru mɔ nin nɔɔwɔ.
18 Be bɑ nu sekumɔ kɑ be bɑ nu nɑɑnɛ sɑ̃ɑ, be kpuro bɑ sɑ̃ɑwɑ nɡe ni.
19 Isirelibɑ, i Yinni Gusunɔ siɑro. Aronin bweseru, i Yinni Gusunɔ siɑro.
