3 Nɑ kĩ nɑ n nɛn wiru sɔndi win nɔm dwɑrɔ, kpɑ win nɔm geu gu mɑn bɔkɑsi.
4 Bɛɛ Yerusɑlɛmun wɔndiɑbɑ, nɑ bɛɛ sɔ̃ɔmɔ, i ku nɛn kĩnɑsi yɑmiɑ sɑɑ ye u ǹ kĩ u se.
5 wɑrɑ u wee gbɑburun di u win kĩnɑsi gbɑlli. Kurɔ u nɛɛ, nɑ nun yɑmiɑ dɑ̃ɑ sɑɑrɔ wunɛn yɛnun bɔkuɔ, mi wunɛn mɛro u wunɛn gurɑ suɑ u nun mɑrɑ.
6 A de nɛ turon gɑri yi n wɑ̃ɑ wunɛn gɔ̃ruɔ. A de ɑ n nɛ turo bɔkɑsi. Domi kĩru tɑ dɑm mɔwɑ nge gɔɔ. Nisinu nu mɑɑ sɑ̃ɑwɑ gɑ̃ɑ gɔbunu nge gɔribun wɑ̃ɑ yeru. Nin dɑm mu sɑ̃ɑwɑ nge dɔ̃ɔ yɑri. Yinni Gusunɔn min diyɑ yi wee.
7 Nim wɔ̃kun nim kɑ mɛn kpɑ̃ɑru mu ǹ kpɛ̃ mu kĩrun dɔ̃ɔ go. Mɛyɑ mɑɑ dɑɑnun nim yiburu tɑ ǹ kpɛ̃ tu kĩi te wukiri. Tɔnu wi u win dukiɑ kpuro wɛ̃ bu kɑ nùn kĩɑn sɔ̃, u ǹ kĩi te wɑsi. Yen kɔkɔrɔ, bɑ koo nùn gɛmwɑ.
