3 ɑ̀ n nɛn kĩnɑsi wɑ ɑluwɑɑsibɑn suunu sɔɔ, u sɑ̃ɑwɑ nge dɑ̃ɑ te bɑ mɔ̀ pɔmiɛ dɑ̃nun suunu sɔɔ tèn mɑrum mu dibu do. Nɑ rɑ kɑ̃ nɑ n sɔ̃ win sɑɑrɔ.
4 U kɑ mɑn dɑ mi bɑ rɑ tɔ̃ɔ bɑkɑ dĩɑnu di. Mɑ u mɑn nɛnuɑ kɑ kĩru.
5 Wee kĩrɑ mɑn bɑrɔ kuɑ. A mɑn dɑm kɛ̃ kɑ kirɑ duronu, kɑ pɔmiɛn mɑrum.
6 Nɑ kĩ nɑ n nɛn wiru sɔndi win nɔm dwɑrɔ, kpɑ win nɔm geu gu mɑn bɔkɑsi.
7 bɛɛ Yerusɑlɛmun wɔndiɑbɑ, nɑ bɛɛ sɔ̃ɔmɔ kɑ yɛɛ kpiki kɑ nɛnnun yĩsinu, i ku nɛn kĩnɑsi yɑmiɑ sɑɑ ye u ǹ kĩ u se.
8 nɑ nɛn kĩnɑsin nɔɔ nɔɔmɔ. Wɔɔ u guunu sɑrikirɑmɔ u wee.
9 U sɑ̃ɑwɑ nge yɑɑ kpiku ǹ kun mɛ nge gini kpɛmɑ. Wi wee dirun biruɔ, u mɑn mɛɛrimɑ fɛnɛntin di.
10 Mɑ u kɑ mɑn gɑri kuɑ u nɛɛ, ɑ seewo nɛn kĩnɑsi, kurɔ burɔ, ɑ nɑ.
11 Wee purɑn sɑɑ yɑ doonɑ, mɑ gurɑ yɑ yɔ̃rɑ.
