8 wunɛ wi ɑ tɔn kurɔbu kpuro burɑm kere, ɑ̀ kun yɑm mi yɛ̃, ɑ doo ɑ yɑ̃ɑ ɡɔ̃ɔn yirɑ swĩi. Kpɑ ɑ wunɛn bonu kpɑrɑ kpɑrobun wɑ̃ɑ yerun bɔkuɔ.
9 nɛn kĩnɑsi, ɑ kɑ dum niɑ weenɛ ye yɑ Eɡibitin sunɔn tɑbu kɛkɛ ɡɑwɑmɔ.
10 Wunɛn burɑ yɑ̃nu nu rɑ de wunɛn bɑɑnu nu mɑn wɛ̃re. Wunɛn wĩirɑ kɑ ɡoonu wɑ̃.
11 sɑ ko nun sɑbɑ kuɑ ye yɑ wurɑ kɑ sii ɡeesu mɛnnɛ.
12 sɑnɑm mɛ sinɑ boko u sɔ̃ kɑ wiɡibu, nɛn turɑren nuburɑ pusɑ.
13 Nɛn kĩnɑsi u nuburu dowɑ nɡe turɑre ye bɑ mɔ̀ miru, ye yɑ sure nɛn tororɔ.
14 Nɛn kĩnɑsi u sɑ̃ɑwɑ nɡe dɑ̃ɑ wɛ̃ɛ burɑsu. Su rɑ kpiwɑ resɛm dɑ̃ɑ ɡbɑɑrɔ Enɡɛdiɔ.
15 nɛn kĩnɑsi, ɑ sɑ̃ɑwɑ kurɔ burɔ. Wunɛn nɔni yi bɑllimɔ nɡe wɑɑ bɑkɑɡii.
