10 Na em i mas kisim tupela namba 2 lewa wantaim gris, na gutpela hap bilong namba wan lewa bilong sipsip. Em i mas kisim dispela hap bilong namba wan lewa na tupela namba 2 lewa wantaim.
11 Na pris i mas kukim ol dispela samting long paia antap long alta, olsem ofa long Bikpela.
12 “Sapos wanpela man i laik ofaim meme, em i mas bringim i go long ai bilong Bikpela.
13 Na em i mas putim han long het bilong meme pastaim, na bihain em i mas kilim meme i dai klostu long dua bilong haus sel bilong God. Orait nau ol pris i mas tromoi blut bilong dispela abus long ol 4-pela sait bilong alta.
