Weiwa Kan 1:20-26

²⁰“Pwe e ntingdier nan pwuken Melkahka Kan, ‘Imwe en tehnla; dehr mweidohng emen en kousoan loale.’ E pil ntingdier, ‘Emen tohrohr en wiliandi oh ale pwais doadoahk wet.’

²¹“Eri, emen ohlen uhdahn pahn pilipilda oh iangkitala, pwe en iang kadehde iasadahn Kaun Sises. Eri, ohl menet en sangete nanpwungen irail me wiahier kisehn pwihn wet nan irair en ahnsou me Kaun Sises ketiketseli rehtail, sang ni ahnsou me Sohn kawekawehwe wehwehn eh papidais lao lel ni rahn me Sises ketsang kitail oh ketidalahng nanleng.”

²³Irail eri kalangahda mwaren ohl riemen: Sosep me pil mwarenki Parsapas (e pil adaneki Sustus), oh Madaias.

²⁴Irail eri kapakap, patohwan, “Maing, komwi me ketin mwahngih mohngiong en aramas koaros. Eri, komw ketin kasalehiong kiht ihs rehra me komw ketin piladahr,

²⁵me pahn ale eh tungoal pwais doadoahk en wahnpoaron me Sudas keselahr pwe en patolahng wasa me uhdahn eh tungoal.”

²⁶Eri, mwurin mepwukat irail ahpw usuhski mwar riau wet pwe re en pilada sang nanpwungen ira riemenet. Eri, mwar me pilipildahr iei Madaias; e ahpw kapatapatohng wahnpoaron ehk emeno.